Elordalyq qutqarýshylar oıyn konstrýktsııasyna basy qysylyp qalǵan balany qutqardy
ASTANA. KAZINFORM – Búgin 112 pýltine Saryarqa aýdany, Jeńis kóshesindegi dámhanalardyń birinde kishkentaı balanyń basy oıyn konstrýktsııasyna qysylyp qalǵany týraly habar tústi.
Oqıǵa ornyna jedel-qutqarý jasaǵy kelip, gıdravlıkalyq quraldyń kómegimen syrǵanaqtyń bir bóligin kesip, 2023 jyly týǵan balany qaýipsiz shyǵardy.
Oqıǵa ornynda polıtsııa qyzmetkerleri men medıtsına mamandary da jumys istedi.
Tótenshe jaǵdaılar mınıstrligi ata-analardy balalaryn qaraýsyz qaldyrmaýǵa jáne tótenshe jaǵdaı kezinde 112 nómirine habarlasýǵa shaqyrady.
Eske sala keteıik, buǵan deıin BQO-da 9 jastaǵy bala eki inisin órtten qutqarǵanyn jazǵan edik.
