Elordalyq kásipker doner jarnamalaý úshin túıequs satyp alǵan
ASTANA. KAZINFORM — Áleýmettik jelide Astana kóshesinde túıequsty ustaǵan vıdeo tarady. Jeli qoldanýshylary onyń ıesin taýyp, jazalaý kerek dep shý shyǵardy.
Іstiń mán-jaıyn qalalyq polıtsııa departamentiniń baspasóz qyzmetinen surap bilgen edik.
— Janýarǵa qatygezdik kórsetý faktisi tirkelmedi. Jelide taraǵan vıdeodan belgili bolǵandaı, túıequstyń moınynan ustap kólikke tıemek bolǵan. Qus Astanaǵa jarnama túsirý maqsatynda jetkizilgen. Tártip saqshylary onyń ıesine janýarlarǵa qatygezdikpen qaraýǵa bolmaıtyndyǵyn aıtyp, sondaı-aq janýardy tıisti talap pen norma saqtalmaǵan jaǵdaıda maqsatta paıdalanýǵa bolmaıtyny jóninde profılaktıkalyq áńgime júrgizdi, — degen habar aldyq polıtsııadan.
Aqparatta aıtylǵandaı, túıequs Saryaǵash qalasynan satyp alynǵan jáne qazir Qoıandy aýylyndaǵy fermaǵa jetkizildi.
— Polıtsııa janýarlarǵa qatygezdikpen qaraý, qorlaý áreket belgileri bar beınematerıaldardy taratýǵa jol berilmeıtinin jáne ol úshin quqyqtyq jaýapkershiliktiń baryn eske salady, — dep eske salady vedomstvodan.
Eske sala ketsek, birneshe kún buryn ShQO-da janýarlardy azaptap, vıdeoǵa túsirgen qyz polıtsııaǵa jetkizildi.