Elordalyq dárigerler terezeden qulaǵan sábıdiń jaǵdaıy týraly málimet berdi

ASTANA. KAZINFORM – Keshe bir jasar astanalyq sábı terezeden qulap ketken edi. Qoǵamdyq densaýlyq saqtaý basqarmasy balanyń qazirgi jaǵdaıyna qatysty málimdeme jasady.

5 tamyzda jedel járdem qyzmetkerleri B.Momyshuly, 11 mekenjaıynda 2-shi qabattaǵy terezeden qulaǵan sábıdi (2023 jyly týǵan) №2 kópsalaly qalalyq balalar aýrýhanasyna jetkizgen.

«Sábı travmatolog, neırohırýrg, hırýrg jáne reanımatolog dárigerlerdiń qaraýynan ótti. Balanyń basy jáne keýde qýysynyń jumsaq tinderi kógerip jaraqattanǵan. Jedel hırýrgııalyq jáne travmatologııalyq patologııalardyń bolmaýyna baılanysty bala ambýlatorııalyq em qabyldaýǵa jiberilip, qajetti usynystar berildi», - deıdi qalalyq basqarmadan.

Elordada bir jasar búldirshin terezeden qulap, aýrýhanaǵa jetkizilgeni týraly habarlaǵan edik.

Eske sala ketsek, Tótenshe jaǵdaılar mınıstrliginiń shildedegi málimeti boıynsha, jyl basynan beri 100-den astam bala terezeden qulap ketken.