Elordalyq balýan Marlan Muqashev halyqaralyq týrnırdiń qola júldegeri atandy
ASTANA. KAZINFORM — Muhamet Malo Ranking Tournament halyqaralyq jarysynda Qazaqstan grek-rım kúresi quramasynyń ókili Marlan Muqashev (55 keli) júldegerler qatarynan kórindi, dep habarlaıdy elorda ákimdiginiń resmı saıty.
Halyqaralyq doda Albanııa astanasy Tırana qalasynda ótti.
Jartylaı fınalda jerlesimiz Úndistan sportshysy Vıshvadjıt Moremen beldesti.
Tartysty ótken kezdesýde Marlan sońǵy sheshýshi áreketi arqyly esepti 12:12-ge teńestirip, ereje boıynsha sońǵy nátıjeli qımyl artyqshylyǵymen jeńiske jetti.
Osylaısha, jerlesimiz bedeldi halyqaralyq reıtıngtik týrnırdiń qola medalin ıelendi.
Buǵan deıin Tıranada grek-rım kúresinen 67 keli salmaqta óner kórsetken Meıirjan Shermahanbet Muhamet Malo reıtıngilik týrnırinde jeńimpaz atanǵany belgili boldy.