Elordalyq balýan qyz álemdik básekede qola medal jeńip aldy

ASTANA. KAZINFORM — Albanııada ótken Muhamet Malo Ranking Tournament halyqaralyq jarysynda áıelder kúresinen 76 keli salmaq dárejesinde beldesken balýan Gúlmaral Erkebaeva úzdik úshtik qatarynan kórindi, dep habarlaıdy elorda ákimdiginiń resmı saıty.

Jubanysh beldesýinde jerlesimiz Bolgarııa ókili Vanesa Georgıevany 6:0 esebimen senimdi túrde jeńip, qola júlde úshin beldesýde Túrkııa sportshysy Elmıra ıAsındi 7:0 esebimen aıqyn basymdyqpen utty.

Osylaısha, áıelder kúresinen Qazaqstan quramasy komandalyq esepte kósh bastady. Ekinshi satyǵa Úndistan quramasy jaıǵassa, AQSh úzdikter úshtigin túıindedi.

Budan buryn habarlaǵanymyzdaı, elordalyq balýan Marlan Muqashev halyqaralyq týrnırdiń qola júldegeri atandy.