Elordaǵa jylyna 90 mıllıon tekshe metr sý qajet

Nur-Sultan qalasynyń ákimi A.Kólginov sý qoımasynda boldy. Búgin sý qoımasynyń qory 272 mıllıon tekshe metrdi quraıdy, qalaǵa jylyna 90 mıllıon tekshe metr sý qajet.

Sý qoımasynan sý alý eki sorǵy stantsııasymen júzege asyrylady. Sýmen jabdyqtaýdy turaqty túrde qamtamasyz etý maqsatynda birinshi sorǵy stantsııasy qaıta jańartylýda: tozǵan tehnologııalyq jabdyqty qazirgi zamanǵy jáne energııa tıimdi jabdyqtarǵa aýystyrý júrgizilýde. 2017 jyly NFS alańynan Mustafın kóshesine deıin 2,5 km, 2018 jyly Jeleznodorojnyı eldi-mekeninen Mustafın kóshesine deıin 4,6 km qaıta jańartý jumystary aıaqtaldy. Bıylǵy jyly 1 kótermeli sorǵy stantsııasynan Jeleznodorojnyı eldi-mekeninen deıingi uzyndyǵy 43,9 km ýchaskedegi sýaǵardyń tarmaǵyn qaıta qurý bastalady.

Sorǵy-súzý stantsııasyna kelip túsken tabıǵı sý dezınfektsııalaýdan jáne zararsyzdandyrýdan ótedi. Tutynýshylarǵa aýyz sý berý aldynda sý synamasy alynady.