Elordaǵa Vero Cell Sinopharm vaktsınasy jetkizildi

NUR-SULTAN. QazAqparat – Elordaǵa qytaıdyń Vero Cell Sinopharm vaktsınasy jetkizildi. Bul jaıynda Nur-Sultan qalalyq qoǵamdyq densaýlyq saqtaý basqarmasynyń basshysy Tımýr Muratov málim etti, dep habarlaıdy QazAqparat tilshisi.

«Qurmetti elorda turǵyndar! Elordaǵa qytaıdyń Vero Cell Sinopharm vaktsınasy jetkizildi. Endi qala turǵyndary úsh vaktsınanyń birin tańdaı alady. Olar: reseılik «Spýtnık», qazaqstandyq QazVac jáne Sinopharm. Vaktsınatsııa koronavırýsqa qarsy qorǵanystyń jalǵyz ári tıimdi ádisi. Solaı ǵana biz qalypty ómirimizge orala alamyz», - dep jazdy Tımýr Muratov Facebook paraqshasynda.

Aıta keteıik, 10 tamyz kúni Air Astana áýe kompanııasy Beıjińnen tikeleı Sinopharm kompanııasynyń Vero Sell vaktsınasyn jetkizdi. Bir mln dozany jetkizý «SQ-Farmatsııa» tapsyrysy boıynsha eki reıspen iske asyryldy. Jalpy salmaǵy 20 tonna bolatyn medıtsınalyq júk termo-konteınerlerde tasymaldanyp, 2-den 8 gradýsqa deıingi temperatýralyq rejım saqtaldy.