Elordaǵa Sharm-ál-Sheıhten ushyp kelgen qazaqstandyqtan koronavırýs anyqtaldy
NUR-SULTAN. QazAqparat – Kóliktegi bas memlekettik sanıtarııalyq dáriger Sádýaqas Baıǵabylov elordaǵa Sharm-ál-Sheıhten ushyp kelgen jolaýshylardyń ishinde bir adamnan koronavırýs ınfektsııasy anyqtalǵan málim etti.
Bul – qazan aıynan beri elimizge syrttan vırýs juqtyryp kelgen 9-shy adam, dep habarlaıdy QazAqparat tilshisi.
«Búgin túnde Nur-Sultan qalasyna Sharm-ál-Sheıhten ushaqpen 241 jolaýshy keldi. Olardyń ishinde 219 adamda PTR-test anyqtamasy boldy. Onyń ishindegi Qazaqstannyń 22 azamatynda PTR-test anyqtamasy bolmady. Olardyń bári de 7 kúndik karantınge jatqyzyldy», - deıdi Sádýaqas Baıǵabylov.
Onyń habarlaýynsha, karantınge jatqyzylǵan adamdardyń ishinde bir jolaýshydan koronavırýs ınfektsııasy anyqtalǵan.
