Elordaǵa QazVac vaktsınasynyń jańa partııasy jetkizildi
NUR-SULTAN. QazAqparat - Ótken demalys kúnderi elordanyń Qoǵamdyq densaýlyq saqtaý basqarmasynyń qoımalaryna koronavırýsqa qarsy otandyq vaktsınanyń 6 myń dozasy (І jáne ІІ komponenttiń árqaısysynan 3 000 doza), dep habarlaıdy QazAqparat.
Qalalyq Qoǵamdyq densaýlyq saqtaý basqarmasynyń málimetinshe, qazaqstandyq vaktsına medıtsınalyq uıymdarda, saýda, oıyn-saýyq ortalyqtarynda jáne saýda úılerinde egiletin bolady.
«QazVac vaktsınasy demalys kúnderi jetkizildi. Bul joly vaktsınalar BMSK uıymdaryna, SOO janyndaǵy egý pýnkterine taratyldy. ıAǵnı, azamattar QazVac-ty óz qalaýy boıynsha qaladaǵy vaktsınatsııa pýnkterinen ala alady», — delingen basqarma habarlamasynda.
Búgingi tańda elordada vaktsınatsııanyń І komponentin 170 myńǵa jýyq adam qabyldady. Al basqarma qoımalarynda «Spýtnık-V» preparatynyń І komponentiniń shamamen 12 myń dozasy jáne qytaılyq «Hayat Vax»-tyń І komponentiniń shamamen 18 myń dozasy bar.
