Elordaǵa Polshadan úıretilgen pilder jetkizildi
ASTANA. 13 maýsym. QazAqparat - Astanada shildeniń 1-i men 8-i aralyǵynda jyl saıynǵy «Azııa jańǵyryǵy» halyqaralyq tsırk óneri festıvali ótedi. Elordalyq tsırk arenasynda Reseı, Qytaı, Tanzanııa, Belarýs, Italııa, Germanııa, Polsha, Ýkraına, Ózbekstan jáne Qazaqstan ártisteri óner kórsetedi. Bulardyń kópshiligi - búkilálemdik festvalderdiń júldegerleri men laýreattary, óz janrlarynyń qaıtalanbas has sheberleri, tsırkshiler áýletiniń urpaqtary. Baǵdarlama árbir qatysýshy biregeı shoý týǵyzatyndaı ulttyq tsırk erekshelikterimen tolyqtyrylǵan.
Tsırk festıvali aıasynda festıvalge qatysýshylar men olardyń tórtaıaqty dostarynyń elorda kóshelerimen úrmeli orkestrdiń súıemeldeýimen júrip ótý merekelik sherýi kavalkadasy ótedi.
Sonymen qatar, festıval baǵdarlamasynda áýe gımnasshylary, asqan sheber jonglerler, akrobattar men kóńildi saıqymazaqtar óz ónerlerin kórsetedi. Sondaı-aq úıretilgen pilder men maımyldardy da tamashalaýǵa bolady.
Astana qalasynyń resmı saıtynyń habarlaýynsha, arenaǵa shyǵatyn barlyq janýarlar qazirdiń ózinde ákelinip, elorda tsırkiniń volerlaryna ornalastyrylýda.
