Elordaǵa kún saıyn 75 myń kólik kelip, 75 myńy shyǵady - Marat Tólebaev

ASTANA. QazAqparat – Elordaǵa kún saıyn 75 myń kólik kelip, 75 myńy shyǵady. Bul týraly Astana qalasy polıtsııa departamentiniń basshysy Marat Tólebaev aıtty, dep habarlaıdy QazAqparat tilshisi.

«Qaladaǵy kólik keptelisin azaıtý maqsatynda jol qozǵalysy erejeleri men qozǵalys qarqyndylyǵy zertteldi. Elorda boıynsha 400 myń kólik tirkelgen. Sonymen qatar 100 myń kólik syrttan keledi, ıaǵnı qalamyz kóligi emes, biraq osynda júredi. Olarǵa ýaqytsha esep júrgizý toqtatyldy, sebebi olar jol erejelerin buzbaıdy. Barlyǵy jarty mıllıon avtokólik. Kún saıyn qaladaǵy beketter arqyly 75 myń kólik kelip, 75 myńy shyǵady. Árıne, jol júktemesi bar. Jol aıryqtarynyń uzyndyǵy myń shaqyrym, áste kólik keptelisi bolady», - dedi Marat Tólebaev máslıhat otyrysynda.

Elordanyń bas polıtseıiniń málimetinshe, 2 mıllıonnan astam halqy bar Almatyda 550 myń kólik tirkelgen. Kúnine 100 myń kólik kirip shyǵady.

«Árıne, biz kólik keptelisi máselesin zerttep, onymen kúresip jatyrmyz. Kólik keptelisi negizinen tańerteń jáne keshke bolady», - deıdi ol.

Buǵan deıin habarlaǵanymyzdaı Astana polıtsııasy ákimshilik buzýshylyqtar úshin 7 mlrd teńge aıyppul salǵan.