Elordaǵa kire beris joldarǵa blokposttar qoıyla ma – Erjan Sádenov jaýaby

ASTANA. KAZINORM – Іshki ister mınıstri Erjan Sádenov elordaǵa kire beris joldarǵa blokposttar qoıý múmkindigine qatysty pikir bildirdi.

«Bizde emin-erkin júrýge múmkindik berilgen. Astanany shekteý – qajeti joq dúnıe. Jedel qadaǵalaýǵa jetkilikti quralymyz bar. Zań buzýshylarǵa qatysty aqparattarymyz bar. Kúshimiz de, quraldarymyz da jetkilikti», - dedi mınıstr Májilistiń jalpy otyrysynan keıin BAQ ókilderiniń saýalyna oraı.

Onyń atap ótýinshe, Astana tóńiregine blokposttar qoıýdyń esh qajet joq.

«Buryn bolǵan, keıin alyp tastadyq. Degenmen, negizgi tas joldarda bar. Al qalany jabý qajettiligin kórip otyrǵanym joq», - dedi Erjan Sádenov.

Esterińizge sala ketsek, elorda máslıhatynyń depýtaty Azamat Aıthojın elordada qylmysty tómendetý úshin qalaǵa kire beris joldarda blokposttar ornatýdy usynǵan bolatyn.