Elordaǵa qos aqqý ushyp keldi
NUR-SULTAN. QazAqparat - Elordadaǵy botanıkalyq baqtaǵy jasandy kólge qos aqqý qondy. Buryn-sońdy bul aıdynda júzgen qus bolmaǵan eken. Bul týraly Habar 24 habarlaıdy.
«Óte ádemi kórinis. Osyndaı ádemi aqqýdy birinshi ret kórip turmyn. Karantın kezinde kóńil kúıdi kóteredi», - deıdi qala turǵyny Erıh Sýrma.
Al elordadaǵy aqqýlar botanıkalyq baqty uzaq mekendemeıdi. Óıtkeni munda olarǵa uıa salyp, ornyǵa qoıatyndaı qolaıly tabıǵı orta joq. Bul ornıtologtardyń pikiri.
«Botanıkalyq saıabaqta qamys óspeıdi. Olarǵa uıa salýǵa yńǵaıly oryn qajet. Demek, bul fakt ýaqytsha qubylys bolýy yqtımal» deıdi ornıtolog Rýslan Orazalıev.
Qazir botanıkalyq baqtaǵy bul qos aqqý sol aýmaqta turatyn kópshiliktiń kózaıymyna aınalǵan.
