Elordaǵa kirý shektelgen, blokposttar áli alynǵan joq
NUR-SULTAN. QazAqparat - Elorda ákimdigi janyndaǵy jedel shtab karantın rejımi alynbaǵanyn málim etti, dep habarlaıdy QazAqparat qala ákimdigine silteme jasap.
Qalaǵa kirý shektelgen. Qalanyń tynys-tirshiligin qamtamasyz etetin nysandarynda jumys isteıtin turǵyndar ǵana kire alady. Qyzmetkerler tizimin Aqmola oblysyndaǵy aýdan ákimderi beredi.
Qalaǵa talap etilgen barlyq sanıtarlyq normalardy saqtaı otyryp, Tótenshe jaǵdaı men karantın ýaqytynda azyq-túlik ónimderi esh kedergisiz jetkizilýde.
«11 mamyrda Tótenshe jaǵdaı rejımi alyndy. Alaıda, Nur-Sultan qalasy burynǵydaı karantın rejıminde ómir súre beredi. Qala aýmaǵy boıynsha ornalasqan barlyq ótkizý-baqylaý beketteri kúsheıtilgen rejımde jumysyn jalǵastyryp jatyr. Karantın rejımin buzǵandar jaýapkershilikke tartylady», delingen habarlamada.
