Elordaǵa keminde 20 mektep salýymyz kerek - Bilim mınıstri
NUR-SULTAN. QazAqparat - Elordaǵa keminde 20 mektep salý qajet. Bul týraly búgin "Nur Otan" partııasy alańyndaǵy "2016-2019 jyldarǵa arnalǵan bilim berý jáne ǵylymdy damytýdyń memlekettik baǵdarlamasyn" talqylaý barysynda Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.
"Apatty, úsh aýysymdy mektepterge qatysty aıtar bolsaq, bul rette mundaı problemanyń saqtalyp otyrǵandyǵyn atap ótpeı kete almaımyz. Bir ǵana tsıfr aıtýǵa bolady - 130-dan astam mektep, bular 1950 jylǵa deıin salynǵan bilim ordalary. Sonymen qatar 1980 jyldary salynǵan 2 900 mektep te bar. ıAǵnı, jyl saıyn tozý oryn alyp, jańa mektepter salý máselesi týyndaı beredi", - dedi mınıstr.
Ashat Aımaǵambetov elimizdegi demografııalyq protsester mektepterdiń tapshylyq máselesine de yqpal etetindigin basa aıtty.
"Buǵan qosa, demografııalyq protsester tarapynan qysymdy kórip otyrmyz. Tek Nur-Sultan qalasynyń ózine jyl saıyn 20 myń bala kóship keledi. Bul keminde 20 mektep salý qajet degen sóz. Biz bul problemalardyń barlyǵyn bilemiz jáne osy baǵytta jumys júrgizemiz", - dedi ol.
