Elordaǵa birneshe elden kelgen azamattardan qyzylsha anyqtaldy
ASTANA. QazAqparat – Elordaǵa kelgen 12 shetel azamatynan qyzylsha anyqtaldy. Bul týraly Astana qalasynyń bas memlekettik sanıtarlyq dárigeri Sarqyt Beısenova málim etti, dep habarlaıdy QazAqparat tilshisi.
«Bıyl bizge klınıkalyq belgileri bar basqa elderden jáne óńirlerden kelgen azamattar týraly 11 aqparat kelip tústi. Bıyldyqqa12 naýqas basqa elderden keldi, keıin olardan qyzylsha rastaldy. Olar Egıpetten, Ózbekstannan, Ázerbaıjannan, Taılandtan kelgen. Sondaı-aq Taılandtan kelgen Reseı azamatynda «Denge» bezgegi tirkeldi. Ol boıynsha tıisti is-sharalar ótkizildi», - dedi Sarqyt Beısenova qalalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, elimizge kelgen shetel jáne óz azamattarymyz arnaıy ólsheý quraly arqyly tekseristen ótedi.
«Joǵary temperatýra nemese juqpaly aýrýlardyń qandaı da bir klınıkalyq kórinisteri baıqalǵan kezde sanıtarııalyq-epıdemıologııalyq baqylaý qyzmeti mindetti túrde aqparat beredi. ıAǵnı, jolaýshynyń klınıkalyq belgilermen kelgeni týraly habarlaıdy. Sodan keıin ınfektsııany oqshaýlaý boıynsha is-sharalar júzege asyrylady», - deıdi ol.
Buǵan deıin qyzylshadan saqtaný joly, onyń saldary qandaı bolatyny jóninde suhbat jarııalaǵan edik.