Elordaǵa adam tasyǵan taksıst koronavırýs kúdigimen aýrýhanaǵa jatqyzyldy
NUR-CULTAN. QazAqparat – 25 naýryzǵa qaraǵan túni elordanyń eki turǵyny Talapker aýylynyń mańynda ornalasqan ótkizý-baqylaý beketi arqyly ótýge tyrysqan. Olar Maldıv araldarynda (1b sanatqa jatady) demalyp kelgen týrıster, dep habarlaıdy astana.gov.kz saıty.
Eki azamat Nur-Sultanǵa Qostanaı oblysy arqyly taksımen kelgen. Taksı júrgizýshisi elordaǵa jetpeı eki azamatty ótkizý-baqylaý beketiniń qasynan tastap ketken. Ótkizý-baqylaý beketinde medıtsına jáne polıtsııa qyzmetkerleri azamattardyń densaýlyǵyn tekserip, barlyq qajetti sharalardy qabyldady. Olar jedel túrde statsıonarǵa jetkizilip, koronavırýs ınfektsııasyna saraptamadan ótti. Al taksı júrgizýshisi Petropavlda ustaldy. Ol da statsıonarǵa jiberildi.
Elorda ákimdigi tártip buzǵandar qatań túrde jazalanatynyn eske salady. Qala mańynda ótkizý-baqylaý beketteri ornatylǵan. 22 naýryz saǵat 00-den bastap elordaǵa kirýge de, shyǵýǵa da tyıym salyndy. Osy aralyqta qalaǵa kelip-ketý tártibin buzýdyń 46 faktisi tirkeldi, 29 tártipbuzýshy 15 táýlikke qamaýǵa alyndy. Keı adamdarǵa aıyppul salynsa, basqalary sot sheshimin kútip otyr.
