Elordaǵa 800 avtobýs júrgizýshisi qajet
ASTANA. QazAqparat - Qoǵamdyq kólik júrgizýshileriniń tapshy bolýyna baılanysty Astana ákimshiligi 800 adamdy jumysqa qabyldaýǵa daıyn.
Bul jaıynda búgin «Astana LRT» JShS basqarmasynyń tóraǵasy Talǵat Ardan málim etti, dep habarlaıdy QazAqparat.
«Bizde júrgizýshiler jetispeıdi. Biz Astanada shamamen 800 adamdy jumysqa qabyldaýǵa daıynbyz. «Astana LRT» seriktestigine júginer bolsańyzdar júrgizýshi retinde jumysqa qabyldanýyńyzǵa kómektesemiz. Ol jaqta jalaqy jetkilikti», - dedi Ardan.
Aıta keterligi, aǵymdaǵy jyly elordanyń barlyq 9 avtobýs parkiniń tártiptik keńesterinde júrgizýshiler men kondýktorlar tarabynan buzýshylyqtarǵa qatysty 10 myńnan astam derek qaraldy. Nátıjesinde shamamen 300 adam jumystan shyǵarylyp, 3 myńyna aıyppul salyndy, taǵy 6,5 myń adamǵa sógis jarııalanyp, eskertý berildi.
Búginde astanada 81 baǵdar bar, onyń uzaqtyǵy 3500 shaqyrymdy quraıdy. Kúnine shamamen 870 myń jolaýshy tasymaldanady. Qala turǵyndaryna qyzmet kórsetetin avtobýstardyń sany - 1025.
