Elordaǵa 100 myń medıtsınalyq maska ákelinedi
NUR-SULTAN. QazAqparat – Elorda dárihanalaryna 100 myń medıtsınalyq maska ákelinedi. Bul týraly búgin qala ákimdiginde Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Zeken Iskaov aıtty, dep habarlaıdy QazAqparat.
«Shymkentte óndirilgen medıtsınalyq maskanyń alǵashqy partııasy qala dárihanalarynda búgin bolady. Maskany jedel respıratorly vırýstyq ınfektsııalar (JRVI) aýrýynyń belgisi bar adamdar ǵana kııý kerek. Eń qarapaıym ári eń tıimdi qorǵanys tásili - qol jýý men jeke gıgıenany saqtaý», - dedi Zeken Isakov.
Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qısyqova jeke gıgıena sharalaryna muqııat kóńil bólý qajet ekenin aıtty. Qoldy jıi jýyp, jótel kezinde etıket erejelerin saqtap, antıseptıkterdi paıdalý kerek. Qol berip amandasýdan bas tartý qajet. Sonymen qatar ol úıde kún saıyn ylǵaldy tazalaý júrgizip, jeldetip turý mańyzdylyǵyn aıtty.
