Elordaǵa 10 myń aǵash otyrǵyzylady
ASTANA. QazAqparat - Búgin elordada ótip jatqan jalpyqalalyq senbilik barysynda 10 myń aǵash otyrǵyzylady. Bul jaıynda qala basshysy Áset Isekeshev Feısbýkte jazdy.
«Taza, qaýipsiz, jasyl qala» aktsııasy aıasynda, senbilik ótip jatyr. Shara barysynda kóshelerdi jınaýǵa jáne aǵash otyrǵyzýǵa, ózenderdiń arnasyn tazalaýǵa basa nazar aýdarylady», - dep jazdy qala basshysy.
Sonymen qatar ol elorda Elbasynyń qalasy ekendigin atap ótken.
«Astana - Prezıdentimizdiń qalasy. Elordamyz taza kósheler men dańǵyldar, aýlalar men trotýarlar, jasyl saıabaqtar men gúlzarlar boıynsha úlgi bolýy kerek. Qala ákimdigi elordany kógaldandyrý, gúlbaqtar men saıabaqtar sanyn arttyrýdy óz aldyna mindet etip otyr», - dep jazady Á.Isekeshev.
Onyń aıtýynsha, Astanada dástúr boıynsha jyl saıyn 20 myńnan astam kóshet otyrǵyzylady, bıyl Botanıkalyq baqtyń salynatynyn eskersek, bul eki esege ósti. Búgin Astanada jalpyqalalyq senbilik barysynda 10 myńnan astam kóshet otyrǵyzyldy, saıabaqtar men gúlbaqtardyń aýmaǵy tazartylady, jınalǵan qoqys shyǵaryldy.
«Osynyń barlyǵy halyqtyń kúshimen jáne qoldaýymen jasalýda. Búgingi sharaǵa 89 myń qala turǵyny qatysýda. Barshańyzǵa senbilikke qatysqandaryńyz úshin alǵys aıtamyn. Bárimiz birge qalamyzdy taza ári jaıly qylamyz», - dedi qala ákimi.
Aıta keterligi, qalalyq bılik elordany kógaldandyrý, barlyq aýdandarda jáne shaǵyn aýdandarda gúlbaqtar men saıabaqtar sanyn arttyrýdy óz aldyna mindet etip otyr. Astanada dástúr boıynsha jyl saıyn 20 myńnan artyq kóshet otyrǵyzylady, bıyl Botanıkalyq baqtyń salynatynyn eskersek, bul kórsetkish eki esege ulǵaıady. Senbilikke qatysýshylar «Almaty» aýdanynda QR Ulttyq mýzeıi aýmaǵyna, «Esil» aýdanynda - «Han Shatyr» SOO aınalasyna, sondaı-aq, Eńbekshiler kóshesinen «Telman» turǵyn alabyna deıin, «Saryarqa» aýdanynda Sarybulaq ózeniniń jaǵalaýyna aǵash egip jatyr. 
