Elordadan Ulytaý oblysyna jańa jolaýshylar poıyzy qatynaıdy

NUR-SULTAN. QazAqparat - Nur-Sultannan Jezqazǵanǵa jańa №65/66 jolaýshylar poıyzy jol tartpaq, dep habarlaıdy QazAqparat.

Jolaýshylar poıyzy eki kúnde júredi: jup kúnderi - Nur-Sultannan, taq kúnderi - Jezqazǵannan keri.

Talgo vagondarynan qurylǵan poıyzda 344 oryn bar. Vagondar aýa baptaý júıesimen jáne bıoájethanalarmen jabdyqtalǵan. Ár kýpede elektr rozetkalar bar. Sonymen qatar, jolaýshylar jol boıynda Vputi.kz mýltımedııalyq portalynda fılm kórip, mýzyka tyńdaı alady.

Sondaı-aq jolaýshylar vagon-meıramhananyń qyzmetin paıdalana alady. Dýsh kabınalary tek Grand jáne Grand PMR klasyndaǵy vagondarda (múgedekterge arnalǵan) bar.

Aıta ketsek, aǵymdaǵy jyldyń qyrkúıek aıynyń basynda №73/74 «Almaty-2-Jezqazǵan» baǵytyndaǵy Talgo vagondarynan qurylǵan poıyz jolǵa shyqqan bolatyn.