Elordadan Temirtaý, Şýchınsk, Ereımentaýǵa deıingi joldar ashyldy
NUR-SULTAN. QazAqparat - Aýa raıynyń jaqsarýyna baılanysty elordadan Temirtaý, Şýchınsk jáne Ereımentaýǵa deıingi joldar ashyldy. Bul týraly Nur-Sultan qalasy ákimdiginiń qalalyq monıtorıng jáne jedel áreket etý ortalyǵy óziniń Telegram kanalynda habarlady, dep jazady QazAqparat.
24 naýryz kúni saǵat 16.30-da aýa raıynyń turaqtanýyna baılanysty respýblıkalyq mańyzy bar Ekaterınbýrg – Almaty kúre jolynyń 1291 – 1425 shaqyrymy, Nur-Sultan – Temirtaý ýchaskesinde Nur-Sultan qalasynan kóliktiń barlyq túrine avtokólik qozǵalysy ashyldy.
24 naýryz kúngi saǵat 16.40-ta aýa raıynyń jaqsarýyna baılanysty respýblıkalyq mańyzy bar Nur-Sultan - Petropavl tasjolynyń 18-231 shaqyrymy, Nur-Sultan-Şýchınsk ýchaskesi ashyldy.
24 naýryzda saǵat 21.00-de aýa raıy jaǵdaıynyń jaqsarýyna baılanysty respýblıkalyq mańyzy bar Nur-Sultan – Ereımentaý – Shiderti avtojolynyń 16-200 shaqyrymy, Nur-Sultan – Ereımentaý ýchaskesinde Nur-Sultan qalasynan kólik qozǵalysy ashyldy.
25 naýryz kúni respýblıkanyń 11 oblysynda aýa raıyna qatysty eskertý jarııalandy.
