Elordadan Tarazǵa ushaqpen 7 myń teńgege barýǵa bolady
NUR-SULTAN. QazAqparat – FlyArystan otandyq loýkosteri Taraz-Nur-Sultan-Taraz baǵytyndaǵy ushaq bıletterin 6 999 teńgeden satylymǵa shyǵardy, dep habarlaıdy QazAqparat.
Azamattyq avıatsııa komıtetiniń málimetinshe, kúndelikti reıster osy jyldyń 3 qazanynan bastap 180 oryndy Airbus A320 áýe kemelerimen oryndalady. Osylaısha, ońtústik óńirdiń iri qalasy men elorda aralyǵyn nebári bir jarym saǵatta qatynaýǵa bolady. Al bılettiń bir baǵyttaǵy quny 6999 teńgeden bastalady. Atalǵan baǵa naryqtaǵy baǵadan 72 paıyzǵ arzan.
«QR IIDM AAK málimetinshe, FlyArystan operatsııalyq jumysyn bastaǵannan beri Áýlıe ata halyqaralyq áýejaıynyń jolaýshylar sany 140 paıyzdan astam ósti. Baǵdarlar kestesi eki eselengennen keıin bul kórsetkish taǵy da ulǵaıa túsetindigine senimdemiz. Óz tarapymyzdan biz Nur-Sultan men Almaty qalalaryna barýdy josparlap otyrǵan halyqqa jylyna 130 000 oryndy berýge ázirmiz», - dep FlyArystan-nyń satý jáne marketıng dırektory Janar Jaılaýova.
Esterińizge sala ketsek, alǵashqy ret loýkosterdiń ushaqtary 1 mamyrda Almatydan Tarazǵa jol tartty. Sodan bergi 5 aıǵa jýyq ýaqyt ishinde 46 myńnan astam jolaýshy tasymaldandy, bılettiń 90 paıyzy 10 myń teńgeden tómen baǵamen satylsa, jartysy 5000 teńgeden tómen baǵamen usynyldy.
