Elordadan Mysyrǵa ushqan ushaq Aqtaýǵa májbúrli qondy
Nur-Sultan–Sharm-El-Sheıh» baǵytyndaǵy áýe reısi 59 jastaǵy astana elordalyqtyń kesirinen orta jolda Aqtaýǵa qondy.
«Ol alkogoldik ishimdikti mólsherden tys iship, ushaq ishinde tártip buzdy. Saldarynan laınerdi Aqtaý áýejaıyna qondyrýǵa týra keldi. Quqyq buzýshy ózin agressıvti ustady. Bortserikterdiń eskertýlerin elemegen»- deıdi kóliktegi polıtsııa departamenti bastyǵynyń birinshi orynbasary Qalıjan Qoblandın.
Onyń aıtýynsha, buzaqy jolaýshynyń isin ári qaraı polıtsııa qaraıdy.
«Kólik polıtseıleri 59 jastaǵy áıeldiń ústinen Ákimshilik quqyq buzý týraly kodekstiń 440-babynyń 1-bóligi jáne 566-babynyń 1-bóligi boıynsha ákimshilik hattama toltyryldy. Jyl basynan beri kólik polıtseıleri túrli ákimshilik quqyq buzý faktileri boıynsha 40 myńnan astam azamatty, onyń ishinde ishim ishkeni jáne qoǵamdyq oryndarǵa mas kúıinde kelgeni úshin 3 784 adamdy ákimshilik jaýapkershilikke tartty», – dep jazady kóliktegi polıtsııa departamentiniń baspasóz qyzmeti.
