Elordadan qys túskeli beri úsh mln tekshe metrge jýyq qar shyǵaryldy

ASTANA. QazAqparat - Elordada qar men muzdy kúreý boıynsha táýlik boıy jumys júrip jatyr. Kommýnaldyq qyzmetter qalanyń barlyq tórt aýdanynda eki aýysymdy rejımde jumys isteıdi, dep habarlaıdy QazAqparat qalalyq ákimdiktiń baspasóz qyzmetine silteme jasap.

7 aqpanǵa qaraǵan túni qaladan 9,4 myń tekshe metr qar nemese 721 reıs jınalyp, shyǵaryldy.

Búgin tańerteń qar kúreý jumysyna 2,1 myń jol jumysshy jáne myńǵa jýyq arnaıy tehnıka jumyldyryldy.

Qys mezgiliniń basynan beri elordadan 3 mln tekshe metrge jýyq qar shyǵaryldy, ol úshin qar polıgondaryna 236 myńnan astam reıs jasaldy.

Qala boıynsha qum-tuz qospasyn sebý jumysy júrip jatyr. Ol qala turǵyndarynyń emin-erkin júrýi úshin kóshelerge, joldarǵa, trotýarlarǵa jáne adam kóp jınalatyn oryndarǵa sebiledi.

Foto: gov.kz