Elordadan koronavırýs juqtyryp barǵan shymkenttik pen onyń anasy aýrýdan aıyqty

ShYMKENT. QazAqparat – Shymkentte koronavırýs juqtyrǵan eki naýqas aýrýhanadan jazylyp shyqty. Bul týraly qala ákiminiń birinshi orynbasary Erbol Sadyr baspasóz brıfınginde málimdedi, dep habarlaıdy QazAqparat tilshisi.

Erbol Sadyrdyń aıtýynsha, dertinen aıyqqandar - anasy men balasy.

«Dertinen aıyqqandar - 1970 jáne 1996 jyly týǵan bir otbasynyń músheleri. Naqtyraq aıtqanda, anasy men balasy. «Táýelsizdikke - 20 jyl» eldimekeninde turatyn eki naýqastan alynǵan zerthananyń synamasy teris bolyp, olar úıge shyǵaryldy. Dárigerler patsıentterdiń jaǵdaıy jaqsy ekenin aıtady. 2020 jyldyń 11 sáýir kúngi jaǵdaı boıynsha Shymkent qalasynda koronavırýs ınfektsııasynyń 33 jaǵdaıy tirkelgen»,- dedi qala ákiminiń birinshi orynbasary.

Qalalyq densaýlyq saqtaý basqarmasynyń málimtinshe, otbasynyń qalǵan 3 múshesi medıtsınalyq qyzmetkerlerdiń baqylaýymen 14 kúndik karantınge jatqyzylǵan. Sebebi, inisinen COVID-19 aýrýy 12-shi kúni anyqtalǵan. Olarmen ákesi men qaryndasy da jaqyn baılanysta bolǵan. Qalǵan patsıentterdiń jaǵdaıy turaqty, qoldanystaǵy hattamalarǵa sáıkes em jalǵasýda.

«Túrkistan oblysynan qalalyq juqpaly aýrýlar aýrýhanasyna COVID19 aýyrýyna shaldyqqan aýyr jaǵdaıda 2 naýqas aýystyrylǵan bolatyn. Olar 48 jáne 60 jastaǵy naýqastar. Búgingi kúnge patsıentterdiń jaǵdaıy qazir turaqty, dınamıkanyń jaqsarǵany baıqalady» delingen qalalyq tótenshe jaǵdaı jónindegi shtabynyń málimetinde.

Eske sala keteıik, dál qazirgi ýaqytta Qazaqstanda 81 adam koronavırýstan jazylyp, úıine shyqqan.