Elordadan bir túnde 23 myń tekshe metrden astam qar shyǵaryldy

ASTANA. KAZINFORM – Elordada qarqyndy qar tazalaý jumystary jalǵasyp jatyr. Kommýnaldyq qyzmet táýlik boıy kúsheıtilgen rejımde jumys isteıdi. Tańerteń qar tazalaýǵa 2,1 myńnan astam jol jumysshysy shyqty. 

Qalalyq ákimdiktiń resmı saıtynyń habarlaýynsha, 4 naýryz kúni tańerteń qala boıynsha qar tazalaý boıynsha 2,1 myńnan astam jol jumysshysy jáne 1,2 myńnan astam arnaıy tehnıka jumys isteýde. 

3 naýryzdan 4 naýryzǵa qaraǵan túni qaladan 1,88 myń aýyr júk kólemine teń 23,4 myń tekshe metrden astam qar shyǵarylǵan.

Qys basynan beri qaladan polıgondarǵa 423,2 myń reıs, 5,7 mln tekshe metr qar shyǵaryldy.