Elordadan bir túnde 1,5 myńǵa jýyq júk kóligi qar shyǵardy
Elordanyń kommýnaldyq qyzmetteri qar kúreý jumysyn keshki jáne túngi ýaqytta qarqyndy túrde júrgize otyryp, kúsheıtilgen rejımde táýlik boıy jalǵastyrýda.
Búgin, 13 qańtarda qalada qar kúreý jumysyna 2 myńǵa jýyq jol jumysshy men 1100 arnaıy tehnıka jumyldyryldy.
12 qańtardan 13 qańtarǵa qaraǵan túni ǵana qaladan 21 594 tekshe metr qar shyǵaryldy, bul shamamen 1,5 myń júk kóliginiń kólemine teń.
Aıta ketý kerek, bıylǵy qysqy kezeńde elordadan 1,8 mıllıon tekshe metrden astam qar shyǵaryldy, ol úshin qar polıgondaryna shamamen 135 myń reıs jasaldy.
Birinshi kezekte, ereje boıynsha, joldarda keptelis bolmaýy úshin qozǵalysy óte qarqyndy ýchaskeler tazartylady.
Sondaı-aq ortasha qarqyndy ýchaskeler – alańdar, vokzal mańyndaǵy aýmaqtar, trotýarlar, áleýmettik nysandarǵa kiretin joldar jáne t.b. qardan tazartylady.
