Elordadan Almatyǵa qatynaıtyn «Báıterek» jolaýshylar poıyzynyń kestesi ózgerdi
NUR-SULTAN. QazAqparat - «Jolaýshylar tasymaly» AQ mereke kúnderi jolaýshylar sanynyń ulǵaıýyna baılanysty 19 naýryzdan bastap №10/9 «Nur-Sultan Nurly jol - Almaty-1» baǵytyndaǵy «Báıterek» jolaýshylar poıyzynyń kúndelikti qatynaıtyny týraly habarlaıdy.
Buǵan deıin bul poıyz kúnara qatynaıtyn edi.
Ulttyq tasymaldaýshy jolaýshylardan BILET.RAILWAYS.KZ saıty arqyly onlaın jol júrý qujattaryn (bıletterin) nemese «QTJ bıletteri» mobıldi qosymshasynyń kómegimen bıletterdi rásimdeýdi suraıdy. Sondaı-aq, qajet bolǵan jaǵdaıda temirjol bıletterin satyp alý úshin «Kútý paraǵy» fýnktsıonalyn paıdalanýǵa bolady.
Sondaı-aq, karantın rejımine baılanysty jolaýshylarǵa jol boıynda jáne vokzal aýmaǵynda betperde rejımin saqtap júrýi keregi eskertiledi.
