Elordadan Alakólge eki aı poıyz qatynaıdy
TALDYQORǴAN. QazAqparat - 30 maýsymnan bastap Nur-Sultan qalasynan Almaty oblysyndaǵy «Dostyq» stansysyna deıin jolaýshylar poıyzy iske qosylady, dep habarlaıdy QazAqparat tilshisi.
«2019 jyldyń 30 maýsymynan bastap 30 tamyzǵa deıingi aralyqta «Nur-Sultan - Dostyq» baǵytynda júretin jolaýshylar poıyzy iske qosylady. Ulttyq tasymaldaýshy óz jolaýshylaryna saparlaryn aldyn ala josparlap, erterek jol júrý bıletterin alýdy eskertedi», - delingen «Jolaýshylar tasymaly» AQ baspasóz ortalyǵynyń taratqan aqparatynda.
Aıta keteıik, elordalyqtar Alakól kóline ushaqpen de jete alady. Úsharaldaǵy áýejaı byltyr iske qosylǵanyn habarlaǵan bolatynbyz. Almaty oblysy ákimdigi baspasóz qyzmetiniń málimetinshe, «Taldyqorǵan - Úsharal - Taldyqorǵan» baǵyty boıynsha turaqty 2 áýe reısi bar. «Jetisý» áýekompanııasynyń ushaqtary kúndelikti qatynaıdy.
«Taldyqorǵan áýejaıynan ushý ýaqyty: saǵat 09.00-de jáne 14.00-de.
Úsharal áýejaıynan ushý ýaqyty: saǵat 10.40-ta jáne 15.50-de.
Bılet quny 6000 tg (1 baǵytqa). Qosymsha aqparat alý úshin Taldyqorǵan áýejaıynyń kassasyna 8 (7282) 24-58-41 nemese Úsharal áýejaıyndaǵy kassaǵa 8 (7283) 32-46-52 nómirlerine habarlasýlaryńyzǵa bolady», - delingen vedomstvonyń taratqan aqparatynda.
