Elordadan 24 myń tekshe metr qar shyǵaryldy
NUR-SULTAN. QazAqparat – Ótken túnde elordada 24 myń tekshe metr qar qala syrtyna shyǵaryldy, dep habarlaıdy QazAqparat qala ákimdigine silteme jasap.
Ákimdiktiń habarlaýynsha, kommýnaldyq qyzmetter qala kóshelerin tazartýdy jalǵastyrýda.
Aqpannyń 26-nan 27-ne qaraǵan túni qala kósheleri men aýlalardy qardan tazartý jumysyna 1 344 tehnıka men 1 000 jumysshy jumyldyrylyp, 24 094 tekshe metr qar shyǵarylǵan (2008 reıs).
27 aqpanda qala kóshelerin qardan tazartý jumystaryna 1 446 tehnıka birligi men 1 605 jol jumysshylary tartyldy.
Jalpy osy ýaqytqa deıin barlyǵy 4 841 525 tekshe metr qar shyǵaryldy (403 455 reıs).
Aıta keterligi, qalada keshe jaýǵan jaýynnan soń kóktaıǵaq boldy. Qazir kommýnaldyq qyzmetter kúsheıtilgen rejimde jumys istep jatyr.
