Elordadaǵy jyly aıaldamalar turǵyndardyń shaǵymynan keıin retke keltirildi
«Elordada jyly aıaldamalar salynǵanda aıazdy kúnderi avtobýs kútkende adamdar tońbaıtyn boldy dep qýanǵan edim. «Jastar» aıaldamasyndaǵy jyly pavılonnyń jaǵymsyz ıisinen basyń aınalady. Jaǵymsyz ıiske qosa ishi de las.. Keshe qatty aıaz bolsa da, balalaryn kóterip syrtta tońyp turǵan halyq.... Qyrýar qarjyǵa salynǵan eken, ony kútip, sanıtarlyq normaǵa sáıkes bir mekeme qadaǵalap, halyq ıgiligine jaratý kerek qoı», - dep jazady Nur-Sultan qalasynyń turǵyny Merýert Áddalıeva Facebook-te.
Bul shaǵymǵa qatysty Nur-Sultan qalasynyń «Baıqońyr» aýdany ákiminiń apparaty jaýap berdi.
«Sizdiń ótinishińizdi qarastyryp, Nur-Sultan qalasynyń kólik jáne jol-kólik ınfraqurylymyn damytý basqarmasynyń aqparatyna sáıkes, búgingi kúni barlyq aıaldama pavılondary tazalanǵanyn habarlaıdy. Atalmysh basqarmanyń málimeti boıynsha aıaldama pýnktterin jóndeý jáne qyzmet kórsetý (jýý) jumystary bekitilgen kestege sáıkes, 10 kúnde bir ret júrgiziledi. Bul aıaldama pavılondaryna jetekshilik etetin mekeme olardy uzaq merzimdi paıdalaný men tıisti qoldaný úshin barlyq sharalardy qabyldaıdy», - delingen jaýapta.
Kóp ótpeı ákimdik tazartylǵan aıaldamalardyń sýretterin jiberdi. Osylaısha, jyly aıaldamalar turǵyndardyń shaǵymynan keıin retke keltirildi.
