Elordadaǵy Jubanov kóshesi 23 qazanǵa deıin jabyq bolady
ASTANA. QazAqparat - Astanada júrgiziletin jol jóndeý jumystaryna baılanysty qoǵamdyq kólikterdiń qozǵalys baǵyty ózgeretin bolady, dep habarlaıdy elorda ákimdiginiń medıa ortalyǵy.
Abaı dańǵyly men Keńesary kóshesi aralyǵynda jatqan Jubanov kóshesiniń ýchaskesinde 21 qazanda saǵat 20.00-de qozǵalys shekteletin bolady. Joǵaryda atalǵan jol ýchaskesindegi qozǵalys 23 qazanǵa deıin jabyq bolady. Osyǵan baılanysty № 5, 73 avtobýstardyń qozǵalys baǵyty Jubanova kóshesinen Brýsılovskıı kóshesine aýystyrylady.
