Elordadaǵy «Jasyl kvartal» turǵyn úı kesheninde órt shyqty
NUR-SULTAN. QazAqparat – Órt sóndirýshiler tilsiz jaýdy ýaqtyly aýyzdyqtap, 5 adamdy qaýipsiz jerge kóshirgen, dep habarlaıdy QazAqparat tilshisi.
«Búgin saǵat 20.08-de elordadaǵy E-10 kóshesi 17E mekenjaıyndaǵy úıdiń (19 qabatty «Jasyl kvartal»jeke turǵyn úıi kesheni) órtengeni týraly habarlama kelip tústi. Órt sóndirýshiler kelgenshe 9 qabattaǵy páterde 20 sharshy metr aýmaqta úı zattary men jıhazdardyń órtengeni anyqtaldy. Tilsiz jaý 21.01 ýaqytynda aýyzdyqtaldy», - dep habarlaıdy qalalyq TJD baspasóz qyzmetinen.
Órt sóndirýshiler 5 adam, onyń ishinde bir balany qaýipsiz jerge kóshirgen. Qazirgi ýaqytta órttiń sebebi anyqtalyp jatyr. Zardap shekkender nemese jaraqat alǵandar joq. Órtti sóndirýge jeke quramnan 30 adam men 7 arnaıy tehnıka, sonymen qatar Apattyq medıtsına ortalyǵy men 102, 103 qyzmetteri jumyldyryldy.
