Elordadaǵy jastar janjaly: Polıtsııa jaǵdaıdy túsindirdi

NUR-SULTAN. QazAqparat – Elordadaǵy «Astanalyq» saýda úıiniń mańynda bolǵan janjalǵa qatysqan jastardyń ústinen ákimshilik is qozǵaldy.

Bul jaıynda Nur-Sultan qalalyq polıtsııa departamentinen málim etti, dep habarlaıdy QazAqparat tilshisi.

«16 mamyr kúni saǵat 20:38-de «102» kanalyna «Astanalyq» saýda úıiniń janynda jastardyń janjaldasyp jatqany týraly habarlama tústi. Oqıǵaǵa qatysýshylardyń barlyǵy ustalyp, «Baıqońyr» aýdandyq polıtsııa basqarmasyna jetkizildi. Ákimshilik óndiris qozǵaldy. Nur-Sultan qalalyq polıtsııa departamenti azamattarǵa qoǵamdyq tártipti buzǵany úshin jaýapkershilik bar ekendigin eskertedi», - dedi qalalyq polıtsııa departamentinen.

Aıta keteıik, Instagram-daǵy astanovka98 paraqshasynda taraǵan vıdeoda avtor qara kıimdi boıjetkenniń gaz ballonyn shashyp jibergendigin aıtady. https://www.instagram.com/p/CO-FHNHJSZb/?igshid=75vyld0s0ln4

Al boıjetken bolsa: «Men transgendermin. Jynysymdy aýystyrǵanmyn», deı kele gaz ballonyn shashpaǵandyǵyn aıtyp aqtaldy.