Elordadaǵy «Jastar jalyny» festıvaline 15 joǵary oqý ornynan myń stýdent, bes myńnan astam jankúıer qatysty
ASTANA. QazAqparat - Elordada Jastar saıasaty máseleleri basqarmasy uıymdastyrǵan «Kóktem. Jastyq. Daryndylyq» uranymen «Jastar jalyny» (Stýdenttik kóktem-2014) aýqymdy jastar shyǵarmashylyq jobasy ótkizildi.
«Jastar jalyny» festıvaline 15 joǵary oqý ornynan 1000 adam jáne 5000-nan astam jankúıer qatysty. Baıqaý barysynda stýdentter nómirlerdi ózderi oılap taýyp, ádemi kostıýmder daıyndady, dekoratsııalar jasady - akter da, rejısser de ózderi boldy.
Shyǵarmashylyq joba aıasynda birneshe baıqaý ótkizildi: estradalyq án aıtý, fotokórme, óleń oqý, halyq bıi, jankúıerler baıqaýy, úzdik bloger, «Jaıdarman». Jobanyń qorytyndysy boıynsha astanalyq stýdentterdiń úzdik komandasy anyqtalady.
Uıymdastyrýshylar astana.kz saıtyna habarlaǵandaı, 29 sáýirde Beıbitshilik jáne Kelisim saraıynda qazaqstandyq estrada juldyzdarynyń qatysýymen gala-kontsert ótedi.
