Elordadaǵy «Jastar saraıy» kúrdeli jóndeýden ótedi
NUR-SULTAN. QazAqparat – Bas qaladaǵy «Jastar saraıy» kúrdeli jóndeýden ótip, zamanaýı jastar ortalyǵyna aınalady. Bul týraly Nur-Sultan qalasy ákiminiń orynbasary Baqtııar Máken málim etti, dep habarlaıdy QazAqparat tilshisi.
«Bıyl Jastar jyly aıasynda 600-den astam túrli baǵyttaǵy is-shara uıymdastyryldy. Paıdaly sharalar bıylǵy jylmen toqtalyp qalmaıdy, alda Volonter jyly sondyqtan bul baǵyttaǵy jumystar jalǵasyn tabady. Búginde elordada 245 myń jas bar. Bul óz kezeginde turǵyndardyń 25 paıyzyn quraıdy. Bizde jastarǵa arnalǵan aýqymda jumys, úlken jospar bar. Sonyń biri kelesi jyly «Jastar saraıy» kúrdeli jóndeýden ótedi. Ol úshin búginde qalalyq ákimdikten 2,5 mlrd teńge qarjy bólindi. Zamanaýı qalypqa keltirilgen soń, ol jastardyń ıgiligine beriledi. Sol sekildi jaqynda EKSPO aýmaǵynda jastarǵa arnalǵan koýorkıng ortalyǵy ashyldy», - dedi B. Máken elordada ótken jastar balynda.
Aıta ketsek, keshe Nur-Sultanda «Bir álem – bir ómir» (One world – one life) atty halyqaralyq jastar baly ótti.
