Elordadaǵy jarylys: 33 adam zardap shekti
NUR-SULTAN. QazAqparat - Elordada dámhanadaǵy jarylys saldarynan 33 adam zardap shekti. Bul týraly Nur-Sultan qalalyq densaýlyq saqtaý basqarmasynan málim etti, dep habarlaıdy QazAqparat tilshisi.
«Shubar aýdanynda gaz ballonynyń jarylýy saldarynan 33 adam zardap shekti. Túrli dene jaraqatyn alǵan olardyń barlyǵy jedel járdem qyzmetimen qala aýrýhanalaryna jetkizildi. Beıindi mamandar, medıtsına qyzmetkerleri zardap shegýshilerge tolyqtaı medıtsınalyq kómek kórsetýde», - dep atap ótedi basqarmadan.
Basqarma málimetinshe, oqıǵa ornynda 3 jedel medıtsınalyq járdem brıgadasy jumys istep jatyr. Barlyǵy 22 brıgada jumyldyrylǵan.
Buǵan deıin elordada dámhanalardyń birinde gaz ballony jarylyp, 1 adamnyń qaza tapqanyn habarlaǵan edik.
