Elordadaǵy jarylys: 19 adamǵa medıtsınalyq kómek kórsetilýde
NUR-SULTAN. QazAqparat - Elordada dámhanadaǵy gaz ballony jarylysy kezinde zardap shekken 19 adamǵa medıtsınalyq kómek kórsetilýde, dep habarlaıdy QazAqparat tilshisi.
«Qutqarýshylar 15 ballondy alyp shyǵyp, bir adamdy qutqardy. Aldyn ala málimetterge sáıkes, bir adam oqıǵa ornynda kóz jumdy. Sonymen qatar, jedel-medıtsınalyq kómek brıgadasy 19 adamdy qarap jatyr. 20 sharshy metrdi sharpyǵan órt saǵat 12:58-de sóndirildi», - delingen Nur-Sultan qalalyq tótenshe jaǵdaılar departamenti taratqan aqparatta.
Oqıǵa ornynda Nur-Sultan qalalyq TJD, Apattar medıtsınasy ortalyǵynyń 34 qutqarýshysy jáne 10 birlik tehnıka jumyldyryldy. Adamdar tońyp qalmas úshin qala ákimdigi jáne TJ departamenti KÝNG-kóligi men avtobýs jiberdi. Oqıǵa ornynda jedel shtab quryldy. Psıhologııalyq kómek berý jáne aqparattyq qoldaý úshin jedel jeli telefony qosyldy: 24-51-71, 24-51-47.
Buǵan deıin elordada dámhanalardyń birinde gaz ballony jarylyp, 1 adamnyń qaza tapqanyn habarlaǵan edik.
