Elordadaǵy jármeńkege ShQO-dan 300 tonnaǵa jýyq azyq-túlik jetkizilmek
ÓSKEMEN. QazAqparat – 26-27 qyrkúıek kúnderi Nur-Sultan qalasynda Shyǵys Qazaqstan oblysynyń aýyl sharýashylyǵy ónimderiniń jármeńkesi ótedi, dep habarlaıdy QazAqparat tilshisi.
Jármeńke demalys kúnderi saǵat 9.00-den 18.00 aralyǵynda uıymdastyrylady. Bekitilgen shemaǵa sáıkes ár aýdan men qalaǵa saýda ýchaskeleri bólingen. Shyǵys Qazaqstan oblysynan jármeńkege 15 aýdan men 2 qala qatyspaq. Jármeńkede óńdeý kásiporyndary men sharýa qojalyqtary kelýshilerge 15-ten astam sapaly ónim túrin usynady.
«Jármeńke aıasynda Nur-Sultan qalasynyń turǵyndaryna 150 tonna kartop, 45 tonna bal, 40 tonna jylqy eti, 15 tonna sút ónimderi, 10 tonna ósimdik maıy, 8 tonna qymyz jáne ulttyq ónimder, 5 tonna balyq, 2,5 tonna shujyq ónimderi, 1,5 tonna jarma jáne basqa da ónimder arzan baǵada saýdalanady. Jalpy Shyǵys Qazaqstannyń aýyl sharýashylyǵy taýarlaryn óndirýshiler 224,7 mln teńge somasyndaǵy 297 tonna azyq-túlik jetkizýdi josparlap otyr», - dep habarlady Semeı qalalyq Aqparat ortalyǵy.
