Elordadaǵy jármeńkege aqtóbelikter 300 tonna ónim ákeledi
ASTANA. QazAqparat - 22-23 shilde kúnderi «EKSPO-2017» halyqaralyq kórmesi aıasynda astanalyqtar úshin «Qazaqstan» sport kesheniniń alańynda Aqtóbe oblysynyń aýyl sharýashylyǵy taýaryn óndirýshileriniń qatysýymen aýylsharýashylyǵy jármeńkesi ótkiziledi, dep habarlaıdy ákimdiktiń medıa ortalyǵy .
Aqtóbe oblysy aýylsharýashylyǵy basqarmasynyń bergen málimetine súıensek, aqtóbelikter jármeńkede 300 tonna aýylsharýashylyǵy ónimderin usynbaq.
Jármeńkege 6 aýdan men Aqtóbe qalasynan 50-den astam aýylsharýashylyǵy taýar óndirýshileri men qaıta óńdeýmen aınalysatyn kásiporyndar qatysady.
Jármeńkedegi ónimderdiń baǵasy Astana qalasy bazarlarynyń baǵasynan 10-15% tómen bolady. Jetkizilgen ónim qatarynda ettiń barlyq túri - 124 tonna, kartop jáne kókónis -26 tonna, sút ónimderi - 27 tonna, ósimdik maıy - 15 tonna, jumyrtqa - 21 myń dana bar. Sondaı-aq, shujyq jáne konservi ónimderi jáne jylyjaı ónimderi usynylady.
Sondaı-aq birqatar qaıta óńdeý kásiporyndarynyń sút ónimderi, qymyz, shubat, eshki súti, un, makaron ónimderin satyp alýǵa bolady.
Іs-shara Aqtóbe oblysynyń bıshi, ánshi ártisterimen uıymdastyrylǵan kontserttik baǵdarlamamen qatar ótkiziledi.
