Elordadaǵy jármeńkege aqtóbelikter 200 tonnadan astam ónim ákeledi
ASTANA. QazAqparat - Demalys kúnderi elordada Aqtóbe jáne Túrkistan oblystarynyń aýylsharýashylyq jármeńkesi ótedi, dep habarlaıdy QazAqparat.
Qala ákimdiginiń málimetinshe, 22-23 qyrkúıekte Qajymuqan Munaıtpasov kóshesiniń boıyndaǵy «Qazaqstan» sport kesheni alańynda Aqtóbe jáne Túrkistan oblysy taýar óndirýshileriniń aýylsharýashylyq jármeńkesi ótedi.
Jármeńkege Aqtóbe oblysynyń 12 aýdany men Aqtóbe qalasynan 20-dan astam aýyl sharýashylyǵy taýar óndirýshileri men qaıta óńdeýmen aınalysatyn kásiporyndary qatysady. Atalmysh oblystan bas qalaǵa keletin ónim kólemi 200 tonnadan astam.
Al, Túrkistan oblysy aýyl sharýashylyǵy taýar óndirýshileri jármeńkege jalpy somasy 201 mln teńgeniń 496 tonna ónimin shyǵarady. Jármeńkede turǵyndarǵa kelesi ónimder usynylady: ettiń barlyq túri, kartop jáne kókónister, sút ónimderi, ósimdik maıy, jumyrtqa, balyq, bal, shujyq ónimderi, un jáne un ónimderi, túrli sýsyndar jáne basqa da ónimder.
Jármeńkedegi ónimderdiń baǵasy bazarlardaǵy baǵadan 15-20%-ǵa tómen bolady.
