Elordadaǵy jármeńke: Qaraǵandy oblysynan 600 tonnadan astam ónim ákelindi

NUR-SULTAN. QazAqparat – Elordada Qaraǵandy oblysynyń aýyl sharýashylǵy ónimderiniń jármeńkesi ótip jatyr, dep habarlaıdy QazAqparat tilshisi.

«Búgingi jármeńkege qaraǵandylyq taýar óndirýshiler 600 tonnadan astam aýyl sharýashylyǵy ónimderin jetkizdi. ıAǵnı 80-nen astam taýar óndirýshiler óz ónimderin usynyp otyr. Atap aıtqanda, 100 tonnadan astam et jáne et ónimderi, 360 tonnadan astam kartop, 360 myń dana jumyrtqa, 15 tonna sút jáne sút ónimderi, 5 tonna balyq jáne taǵy basqa taýarlar usynylýda», - dedi Qaraǵandy oblysy aýyl sharýashylyq basqarmasy basshysynyń orynbasary Syrym Boshpanov.

Onyń aıtýynsha, jármeńkege atalǵan óńirdiń 4 qalasy men 9 aýdanynyń taýar óndirýshileri qatysyp jatyr.

«Jármeńkege qoıylǵan taýarlardyń baǵasy elorda naryǵynan 10-15 paıyzǵa arzan. Jármeńkege halyq tańerteńnen aǵylýda, astanalyqtar arasynda ásirese bizdiń etke suranys joǵary. Sondaı-aq, jármeńke aıasynda «Baýyrsaq jáne qymyz» festıvali uıymdastyrylyp, halyqqa tegin taratylatyn bolady», - dedi ol.

Odan bólek, elordalyqtarǵa jármeńke alańynda kontserttik baǵdarlama usynylýda. «Han-Shatyr» oıyn–saýyq ortalyǵynyń alańynda ótip jatqan jármeńke 2 kúnge sozylady.