Elordadaǵy jantúrshigerlik jol apaty: Avtobýstar jedel járdem kóligine soqtyǵysqan
NUR-SULTAN. QazAqparat - «Astana LRT» elordada úsh avtobýsqa qatysty jol-kólik oqıǵasy boıynsha jańa málimetterdi jarııalady, dep habarlaıdy QazAqparat tilshisi.
«26 naýryz kúni Uly Dala men Qabanbaı batyr dańǵyly qıylysynda úsh avtobýstyń jáne jeńil kólikterdiń soqtyǵysýymen jol-kólik oqıǵasy boldy. Qala mańy baǵdaryndaǵy № 301 avtobýs № 12 baǵdardaǵy jolaýshylar kóligimen soqtyǵysty. Osynyń ekpinimen olar № 53 avtobýsqa jáne jedel járdem kóligine baryp soǵyldy», - dedi «Astana LRT» JShS qoǵammen baılanys departamentiniń basshysy Naýat Azanbaeva.
Osy oraıda ol apattyń mán-jaıy qazirgi kezde naqtylanyp jatqanyn atap ótti.
«Aldyn ala málimet boıynsha zardap shekken adamdar bar. Jol-kólik oqıǵasy saldarynan 53-shi baǵdar men birneshe jeńil kólik qaqtyǵysty. Oqıǵa boıynsha qosymsha málimetti habarlaıtyn bolamyz», - dedi ol.
Budan buryn habarlanǵandaı, elordada avtobýstar apatynyn eki adam kóz jumdy.
