Elordadaǵy jantúrshigerlik apat: Dárigerler apattan aman qalǵan jalǵyz qyzdyń jaǵdaıyn aıtty
NUR-SULTAN. QazAqparat – Dárigerler elordadaǵy kópirde bolǵan jol apatynan aman qalǵan 18 jastaǵy qyzdyń jaǵdaıy týraly málimet berdi, dep habarlaıdy QazAqparat tilshisi.
Dárigerlerdiń aıtýynsha, búgin naýqasty palataǵa aýystyrý josparlanǵan.
«Qyzdyń jaǵdaıy turaqty. Búgin ony palataǵa aýystyrýdy josparlap otyrmyz», - dep habarlady akademık Nurlan Batpenov atyndaǵy Ulttyq travmatologııa jáne ortopedııa ǵylymı ortalyǵynyń mamandary.
Eske sala keteıik, 30 qyrkúıek kúni saǵat 00:34-te Toyota Camry avtokóliginiń 19 jastaǵy júrgizýshisi Esil ózeni arqyly ótetin kópirden Saraıshyq kóshesine qaraı bettegen boıda jyldamdyqty asyryp, tizginge ıe bola almaı, qarsy jolaqqa shyǵyp ketken edi. Sóıtip ol Nexıa Ravon avtokóligimen soqtyǵysyp, 5 adam qaza tapty .
Apattan «Toyota Camry» avtokóligindegi jolaýshy qyz ǵana aman qalyp, ol shuǵyl túrde akademık Nurlan Batpenov atyndaǵy Ulttyq ǵylymı travmatologııa jáne ortopedııa ortalyǵyna jetkizilgen.
