Elordadaǵy jańa qazaq drama teatry qandaı bolmaq
NUR-SULTAN. QazAqparat - Elorda ákimi Altaı Kólginov qazaq drama teatrynyń qurylys barysymen tanysty, dep habarlaıdy QazAqparat qalalyq ákimdiktiń resmı saıtyna siltme jasap.
Teatr Elbasynyń tapsyrmasyna sáıkes salynýda. Teatr qurylysymen «Samuryq-Qazyna» ulttyq ál-aýqat qory aınalysyp jatyr. Keshen 800 orynǵa eseptelgen, 3 qabattan turady. Nysan J. Nájimedenov, A. Baıtursynov jáne 23-15 kósheleriniń qıylysynda ornalasqan.
Qala ákimi Altaı Kólginov qurylys jumystarynyń kestege sáıkes júrip jatqanyn atap ótti. «Aýmaqty abattandyrýǵa belsendi kirisý qajet. Barlyq jumystar sanıtarlyq normalardy qatań saqtaı otyryp júrgizilýi tıis. Qurylys jumystary bıyl aıaqtalady».
Sonymen qatar, elorda ákimi Altaı Kólginov myńjyldyq aýdanyndaǵy ınjenerlik-kommýnıkatsııalyq jelilerdiń qurylysymen tanysty. Bul jumystar aýdandy elektr energııasymen qamtamasyz etýge múmkindik beredi.
