Elordadaǵy «Jaǵalaý-3» turǵyn úı kesheniniń 30 blogynyń qurylysy aıaqtalýǵa taıaý - ákim
NUR-SULTAN. QazAqparat - «Jaǵalaý-3» turǵyn úı kesheniniń 30 blogynyń qurylysy aıaqtalýǵa jaqyn. Qazirgi ýaqytta nysanda qasbettik jumystar júrgizilip, lıftter ornatylýda.
Bul týraly Nur-Sultan qalasynyń ákimi Altaı Kólginov Instagram-daǵy paraqshasynda jazdy, dep habarlaıdy ákimdiktiń resmı saıty.
«Keshe keshkisin aralaý kezinde qurylysy sozylyp ketken «Jaǵalaý-3» (30-blok) turǵyn úı keshenin bir pysyqtadyq. Bul úı̆diń qurylysy 8 jyl buryn bastalǵan, biraq qordalanǵan máseleleri kóp. Úleskerlermen birneshe ret kezdesip, qurylys kestesin jasaǵan edik. Qazir qurylystyń qasbeti aıaqtalyp qaldy, jumysshylar lıftterdi ornatýǵa kirisip ketti. Sol ýaqytta — aýmaqty abattandyrý jumystary da júrip jatyr. Jaqyn arada ishki jumystary bastalady. Sonymen qosa, qurylys kesheni energııamen turaqty qamtý kózine (sý, jaryq, káriz júı̆esi úshin) jalǵaý jumystary júrýde. Bul turǵyn úı̆diń qurylysyn aıaqtap, páterlerdi jyl aıaǵyna deı̆in tapsyramyz dep josparlap otyrmyz», – dep jazdy Altaı Kólginov.
