Elordadaǵy zańsyz sherý: Jasóspirimder ustalǵan joq
NUR-SULTAN. QazAqparat - Elordanyń polıtsııa departamenti qalanyń Respýblıka dańǵylyǵynda ótken zańsyz sherý barysynda kámeletke jasy tolmaǵan jasóspirimderdiń ustalmaǵandyǵyn málimdedi, dep habarlaıdy QazAqparat tilshisi.
«Messendjerler men áleýmettik jelide tarap jatqan kámelettik jasqa tolmaǵan qyzdyń ustalýy týraly vıdeoǵa qatysty azamatsha A-nyń 2000 jyly dúnıege kelgendigin habarlaımyz. Polıtsııa qyzmetkerleriniń zańsyz sherýge qatysýyn doǵarý talabyna qaramastan azamatsha A. áreketin jalǵastyryp, quqyq qorǵaý organdary qyzmetkerlerin ıterip, qarsy áreket jasaýǵa (vıdeosy bar) ıtermeledi», - dep atap ótedi vedomstvodan.
Departament málimetinshe, osydan keıin azamatsha A ózge de quqyq buzýshylarmen birge ustalǵan.
«Ustalǵan kezde jeke basyn kýálandyratyn qujaty bolǵan joq. Degenmen, anasy kelip júgingennen keıin azamatsha bosatylyp, anasyna tabystaldy», - delingen taratylǵan aqparatta.Eske salsaq, keshe Nur-Sultan men Almaty qalalarynda zańsyz uıymdastyrylǵan mıtıngke shyqqandar bolyp, 57 adamnyń ustalǵany týraly habarladyq.Buǵan deıin Bas prokýratýra 21 qyrkúıekte bolatyn sherýge qatysty halyqqa birneshe márte úndeý tastady.
