Elordadaǵy úlestik qurylys boıynsha problemaly nysandar sany qansha
NUR-SULTAN. QazAqparat – Úlestik qurylys boıynsha problemaly nysandardyń basym bóligi elordada tirkeldi. Bul týraly Indýstrııa jáne ınfraqurylymdyq damý mınıstrligi Qurylys jáne túrǵyn úı-kommýnaldyq sharýashylyq isteri komıteti tóraǵasynyń orynbasary Baqytjan Qashaqov málim etti, dep habarlaıdy QazAqparat tilshisi.
«Osyndaı nysandardyń kóbisi Nur-Sultan qalasynda ornalasqan. Jalpy, 51 nysan tirkelgen, sonyń 12-sine turǵyndar qonystandy, ıaǵnı bul úıler boıynsha tıisti sharalar iske asyrylýda. Al qalǵan 39-y problemaly nysan retinde aıqyndaldy», - dedi B. Qashaqov.
Osy oraıda ol atalǵan máseleni sheshýge 40 mlrd teńge qarastyrylǵanyn atap ótti.
«Bul qarjy elordaǵa arnalǵan, sebebi problemaly nysandardyń negizgi bóligi osy qalada. Árıne, osyndaı nysandar basqa da óńirlerde bar, alaıda olardyń sany óte az», - dedi Baqytjan Qashaqov.
