Elordadaǵy úleskerlerdi qoldaý ortalyǵyna 450 adam júgindi
Búgingi tańda ortalyq jumysy bir tereze qaǵıdasy boıynsha jumys isteıdi.
«Elorda turǵyndarynyń qajetti quqyqtyq keńes pen úleskerlik qurylys salasynda júzege asyrylyp jatqan basqa da jumystar týraly málimet alýyna múmkindik bar», - delingen vedomstvo taratqan habarlamada.
Azamattardy elordalyq memlekettik organdar - prokýratýra, qurylysty baqylaý jáne jer qatynastary basqarmasy, sáýlet jáne qala qurylysy basqarmalarynyń ókilderi qabyldaıdy. Sondaı-aq memlekettik sáýlet-qurylysty baqylaý basqarmasy men ádilet departamenti men «Turǵyn uı qurylysyn kepildendirý qory» AQ ókilderi bar. Sońǵysy qazirgi kúni turǵyn úı qurylysyn aıaqtaýǵa kepildeme berý máselesine qatysty keńes berýmen aınalysady.
Tórt aı ishinde ortalyqqa 450 azamat júgindi. Olar kelesi máseleler boıynsha jaýap aldy: úleskerlik qurylys kelisimimen baspanany qaıdan alýǵa bolady, qaı kompanııalar úleskerlerdiń qarjysyn tartýǵa quqyly, jekelegen qurylys kompanııalarynyń jumys isteýge ruqsaty bar ma, úleskerlik qurylys týraly kelisim jasaǵanda qandaı qujat kerek, TQK qalaı múshe bolýǵa bolady jáne t.b.
Aıta keteıik, Astanadaǵy Úleskerlerdi qoldaý ortalyǵy tamyz aıynan beri Saryarqa aýdanyndaǵy HQKO jumys istep keledi. Qazirgi kúni tegin keńesti aptanyń úsh kúninde dúısenbi, sársenbi jáne juma kúnderi saǵat 9.00-18.00 aralyǵynda alýǵa bolady.
